🔥 The Flow Zone ကို ရှာဖွေခြင်း 🔥

မိတ်ဆွေရဲ့ဘဝမှာ အရာအားလုံး ချောမွေ့စွာ အဆင်ပြေသွားတဲ့နေ့တစ်နေ့ ရှိခဲ့ဖူးပါသလား?

ကျွန်တော်တို့က အာရုံအပြည့်နဲ့ လုပ်နေတယ်၊ အချိန်တွေက ဘယ်လိုကုန်သွားလဲဆိုတာကို မသိလိုက်ဘူး၊ ပြီးတော့ ကိုယ့်ကိုယ်ကို မရပ်တန့်နိုင်အောင် လုပ်ချင်နေတယ်။ ဒါဆိုရင် ကျွန်တော်တို့က Flow Zone ထဲမှာ ရောက်နေတာပါ! Flow Zone ထဲရောက်ရင် ကိုယ့်ရဲ့ ဥာဏ်၊ ပညာ၊ ခွန်အားတွေက အကောင်းဆုံး ဖြစ်နေတယ်။ ဒါပေမယ့် အမှန်ကို ပြောရရင် ကျွန်တော်တို့အများစုအတွက် ဒီ Flow Zone ကို ရှာဖွေဖို့ အခက်အခဲ တွေရှိပါတယ်။ ဒီ POST က Flow Zone ထဲကို ရောက်အောင်နေနိုင်တဲ့ နည်းလမ်းတစ်ခုကို မျှဝေသွားမှာပါ။

တစ်ခါတစ်လေကျရင် ဖိစီးမှုတွေနဲ့ လွှမ်းမိုးခံရသလို ခံစားရတယ် 😩၊ တစ်ခါတစ်လေကျရင် ငြီးငွေ့ပြီး ပျင်းရိငြီးငွေ့နေတယ် 💤။ ကျွန်တော်တို့က ကြိုးစားလုပ်နေပေမယ့် အားအင်ကုန်ခမ်းနေသလို ခံစားရတယ်၊ ဒါမှမဟုတ် အရာရာက လွယ်လွန်းတယ်ထင်ပြီး စိတ်အားထက်သန်မှု ပျောက်ဆုံးသွားတယ်။

💡 ဒါဆို Flow Zone ဆိုတာ ဘာလဲ?

စက်ဘီးစီးနေတယ်လို့ စိတ်ကူးကြည့်လိုက်ပါ။ ကျွန်တော်တို့က အရမ်းနှေးနှေးနဲ့ စီးရင် ဘီးတွေယိုင်ပြီး လဲကျသွားမယ်။ အရမ်းမြန်မြန်နဲ့ စီးရင်လည်း ထိန်းချုပ်လို့မရဘဲ ပြုတ်ကျသွားမယ်။ ဒါပေမယ့် ကျွန်တော်တို့က မှန်ကန်တဲ့အမြန်နှုန်းကို ရှာတွေ့တဲ့အခါ စီးရတာ ချောမွေ့ပြီး အားစိုက်စရာမလိုဘူး။ ဒါဟာ Flow Zone ရဲ့သဘောပါ!

ဒါက ဖိစီးမှုနဲ့ ငြီးငွေ့မှုကြားက ချိုမြတဲ့နေရာ Flow Zone ရှိပါတယ်။

✅ ကျွန်တော်တို့က အာရုံစိုက်ပြီးလုပ်နိုင်ဖို့ဆိုရင် စိန်ခေါ်မှုတွေ ရှိတယ်။

✅ ဒါပေမယ့် ကျွန်တော်တို့ ခံစားရတာက အာရုံစိုက်လုပ်နေတဲ့ အရာတွေကို များပြားရှုပ်ထွေးတယ်လို့ မခံစားရဘဲ ဖိစီးမှုရှိမှန်းကို မေ့နေတယ်။

✅ ကျွန်တော်တို့က အာရုံစူးစိုက်မှု၊ စွမ်းအင်နဲ့ ပျော်ရွှင်မှုတွေနဲ့ အလုပ်လုပ်နိုင်တာကို flow zone ထဲရောက်နေတယ်လို့ ခေါ်ပါတယ်။

💪 Flow Zone က ဘာကြောင့် အရေးကြီးတာလဲ?

• ကျွန်တော်တို့ကို ပိုထိရောက်စေပြီး အားအင်ကုန်ခမ်းမှုမဖြစ်စေဘူး။

• အောင်မြင်မှုနဲ့ ကိုယ်ရည်ကိုယ်သွေး တိုးတက်မှုကို ခံစားရစေတယ်။

• အလုပ်နဲ့ သင်ယူမှုတွေက ပိုပျော်စရာကောင်းလာပြီး စိတ်ကျေနပ်မှုရစေတယ်။

📌 Flow Zone ထဲကို ဘယ်လိုဝင်ရမလဲ?

🔥 ၁။ ရှင်းလင်းပြီး စိန်ခေါ်မှုရှိတဲ့ ရည်မှန်းချက်တွေ ချမှတ်ပါ – အရမ်းလွယ်နေရင် ငြီးငွေ့သွားမယ်။ အရမ်းခက်နေရင် စိတ်ပျက်သွားမယ်။ ကျွန်တော်တို့ရဲ့သက်တောင့်သက်သာနေရာ (comfort zone) ကနေ နည်းနည်းလောက် ကျော်လွန်တဲ့ ရည်မှန်းချက်တွေ ရှာပါ။

🕒 ၂။ အာရုံထွေပြားစေတဲ့အရာတွေကို ဖယ်ထားပါ – ဖုန်းသုံးတာ၊ အလကားစကားပြောတာတွေ မလုပ်ပါနဲ့။ လက်ရှိလုပ်နေတဲ့အလုပ်ကို အာရုံအပြည့်ပေးပါ။

⏳ ၃။ အချိန်အပိုင်းအခြားတွေနဲ့ အလုပ်လုပ်ပါ – ၉၀ မိနစ် စည်းမျဉ်းကို စမ်းကြည့်ပါ – ၉၀ မိနစ်လောက် အပြင်းအထန် အာရုံစိုက်ပြီး၊ ခဏတဖြုတ် အနားယူပါ။ ဒါက ကျွန်တော်တို့ရဲ့စွမ်းအင်ကို မြင့်တင်ပေးပြီး အားအင်ကုန်ခမ်းမှုကို ကာကွယ်ပေးတယ်။

🚀 ၄။ အလုပ်ထဲမှာ အဓိပ္ပာယ်ရှာပါ – ကျွန်တော်တို့လုပ်နေတဲ့အလုပ်ကို အဓိပ္ပာယ်ရှိတယ်လို့ မြင်ရင် ဒီအလုပ်ထဲကို စိတ်နှစ်ပြီး လုပ်ဖို့ ပိုလွယ်လာမယ်။ ကျွန်တော်တို့ဘာကြောင့် ဒါကို လုပ်နေတာလဲဆိုတာ စဉ်းစားကြည့်ပါ။

🏃 ၅။ စိန်ခေါ်မှုကို နှစ်သက်ပါ– ဒါကို ဂိမ်းတစ်ခုလို တွေးကြည့်ပါ။ ကျွန်တော်တို့က မြင့်တက်လေလေ၊ ပိုကောင်းလာလေလေ။ ကြီးထွားမှုက ကျွန်တော်တို့ရဲ့သက်တောင့်သက်သာနေရာကနေ ကျော်လွန်တဲ့နေရာမှာ ဖြစ်ပေါ်တယ်။

✨ နောက်ဆုံးပြောချင်တာကတော့

အောင်မြင်မှုဆိုတာ ပိုကြိုးစားဖို့ မဟုတ်ပါဘူး။ ပိုထိရောက်အောင် လုပ်ဖို့ပါ။ ပျော်ရွှင်ပြီး အောင်မြင်တဲ့သူတွေဟာ သူတို့ရဲ့ Flow Zone ထဲမှာ ဘယ်လိုနေရမလဲသိတဲ့သူတွေပါ။

👉 ကျွန်တော်တို့ Flow Zone ထဲကို ရောက်ဖူးလား? အဲ့အချိန်မှာ မိတ်ဆွေတို့ ဘာတွေကို လုပ်ဆောင်နေခဲ့တာလဲ? မိတ်ဆွေတို့ရဲ့ အတွေးတွေကို အောက်မှာ မျှဝေပေးနိုင်ပါတယ်! ⬇️ ဒီ Flow Zone ထဲမှာ မိတ်ဆွေတို့ရဲ့ ဥာဏ်၊ ပညာ၊ ခွန်အားတို့ကို အကောင်းဆုံး အသုံးချနိုင်ပါစေ။